يوسف مصطفى وقرار منع لبس الشماغ في تلفزيون الكويت
اقدم الوكيل المساعد لقطاع الأخبار والبرامج السياسية الأستاذ الفاضل يوسف مصطفى على القيام بإصدار تعميم شفوي من خلال إجتماعه بمذيعي أخبار تلفزيون الكويت وحذرهم من لبش الشماغ الأحمر أثناء ظهورهم في شاشة قنوات تلفزيون الكويت !! وقد قال أن لبس الشماغ لا يعبر عن الهوية الكويتية ، بل يجب أن يتم لبس الغترة البيضاء لأنها الأقرب للهوية الكويتية
أعتقد أن قراره كان متسرع نوعا ما ، بل أن القرار لا يفترض أن يقال أساسا وخصوصا من شخص متمرس وذو شهرة كويتية كبيرة ويعتبر واحد من أبطال الكويت أثناء الإحتلال الغاشم ، نكن للأستاذ يوسف مصطفى كل الحب والتقدير ولكن هذا القرار والتصريح الذي بدر منه لا نعرف الحقيقة ما غايته ؟ هل هو تسرع أم أنه لا يحب لبس الشماغ الأحمر ؟ بكل الأحوال أعتقد أن القرار الذي قام بإصداره لمذيعي التلفزيون لن يتم الأخذ به أبدا أبدا !! وهذي الصورة إهداء للأستاذ يوسف مصطفى لمن يلبس الشماغ الأحمر في دولة الكويت
والآن أستاذي الفاضل يوسف مصطفى … هل تشاهد من يلبس الشماغ الأحمر كما في الصورة ؟ مع العلم يوجد الكثير والكثير من الشيوخ الذين يرتدون أيضا الشماغ ولكن هذي الصورة أعتقد تكفي جدا
اعذروني الكويتي مو بس اللي عنده جنسية .. الكويتي إهو اللي يقدم إنجاز للكويت ولا يثير فتن مثل هذي ويفتي من عنده ….
أستاذنا القدير يوسف مصطفى لم نعرف الإعلام الكويتي إلا بك …أنت الوحيد الذي استطعت أنت تدير الحوارات المهمة … وكل الاحتفاليات .. وهذا دليل نجاحك …
تكفون عطوني مذيع سنع يقدر يدير حوار مثله كلهم من نوع اقرى النشرة وأمشي …
هذا الإنسان الناجح دايما يضربونه … لا نشكك أبدا بوطنيتك وما قيل زيف من قبل الحاقدين ..
كلامك عين العقل
بلانا من الي يتكلم ولا يعرف شنو يقول
اشكرك على الكلام الطيب
شيوختا يلبسون شماغ تعترض على هالشي انت ؟
يوسف مصطفى بأخر تصريح له قال انا قلت لهم “ان الشماغ زي سعودي وليس كويتي!!”
وهذا التصريح ايضاً سقطه له!
افـا يا يوسف مصطفى 🙁
تسرع في اخذ القرار ومافي انسان ما يخطئ
ومو كل شخص يستطيع ان يتخذ قرارات صائبه فالرجل المناسب في المكان المناسب
ويوسف مصطفى اكن له كل تقدير واحترام
بس المذيع مذيع و الوكيل وكيل
شفت لقاء له قبل سنة او سنتين تقريباً … الانسان عقليته فقط تصلح ليقرأ ورقة فيها اخبار
اما سبب جعله وكيل وزارة هذي عليها نقاط استفاهم
الصراحه تصريح غبي شنو تتوقع من مذيع كل شغله يقراءه من عند المعد تبيه يسوي قرار مثل الناس
هههههه شر البلية ما يضحك !!!!
يا اخ باك حبيبي على بالك ان المذيع يوصل ويقرا ويمشي ؟
اتمنى انك تروح وتشوف اب عينك قبل لا تتكلم
الاستاذ يوسف ضحى في سبيل هالوطن الكثير
انت شنو سويت حق الكويت ؟ انت كويتي اول شي ؟
رجاء اقرو الاخبار الصحيحة وليست الملفقة واحكم واذا عندك كلام دق على الريال وكلمه بنفسك واسمع منه الخبر الصحيح .
سفرات الامير الله يطول بعمره وغيره والمؤتمرات والاحداث منو يغطيها ؟ ايام الغزو منو غطى الاعلام ؟ على فكره ايام الغزو يوسف كان مطلوب من قبل العدوان العراقي الغاشم لان كان يتكلم بأسم الكويت والي طلعه من الكويت شيخ من غير ذكر اسامي واصر عليه ان يطلع ورفض استاذ يوسف ولكن الشيخ اخذه وطلعه وداه للسعوديه وهناك استقبلونا اخوانا السعودين وخلونا نبث من تلفزيونهم.
البرامج منو يعدها ؟ تخريج الضباط والجيش منو يكون المسئول عنه ؟ مو يوسف مصطفى ؟ روح وشوف اب نفسك
انت قاعد اب بيتكم ولا تدري عن الي قاعد يصير .
رجااااااااااااااء لحد يتكلم عن موضوع اهو مو عارف فيه
هذا الكلام غير صحيح تأكد وبعدين تكلم
والصراحة قرار سليم ان تم تعيينه في هذا المنصب الرجل المناسب فالمكان المناسب
استاذ يوسف كمل مسيرتك والى الامام ان شاء الله , والله ولي التوفيق.
أي والله شر البليه ما يضحك!!!!
ههههههه
يا حبيبي أول شيء أنت تقول ضحى في سبيل الكويت و تقول انت شنو سويت وانت كويتي ؟
أنت ما تعرف منو أنا ؟ ولا تعرف شنو سويت مثل ما أنا ما أعرفك و ما أعرف شنو سويت ؟
الحمدلله كويتي بتأسيس اب عن جد والقرار طلع من لسانه وله شهود يشهدون عليه
ثاني شي الواحد لو يسوي كل شي للكويت تري يعتبر ما سوي شي لها الكويت تستحق الأفضل والمزيد
و يوسف ما سوي سوي شغله لا أكثر ولا أقل
مثل ما أنا قاعد في بيتي أكيد أنت في بيتك .!!!
فلا تصرح كانك سكرتير يوسف
الرجال ما أعرف رقمه وشنو أبي فيه أكلمه و أنت السكرتير الخاص فيه ممكن تكلمه وتبلغ الكلام
خل يوضح كل شي لو سمحت
و ادري المذيع يتعب في وضع المكياج و الحين صار يتعب في وضع القناع
ملاحظه : لحد الحين قاعد في بيتنه والحمدلله واتكلم و أقول الي أبيه
مع الحترام لمن يستحق الأحترام فقط
السلام عليكم
يوسف مصطفى ، مشكلته انه كان بدون ومتجنس سنة 1995 ، وصار لين صار وكيل مساعد ، مع انه الوكلاء المساعدين لازم تكون جناسيهم اولى ، بس هذا ما اعرف شلون صار !!!
الحين صاير يتكلم عن التراث الكويتي
اول شي عيب عليك هالكلام انت ما تعرف الريال
يوسف مصطفى كويتي الجنسية وجنسيته فوق راسك
ما اتوقع في احد بدون غيرك
اشوفكم انحشتوا ايام الغزو , ومطصفى رجل من رجالات الكويت الي ما نقدر ننسى افضاله
رجاء اقرء الموضوع الاصلي من جريدة الانباء والراي تم نفي مثل هذه الاكاثيب
الي نقل هذا البيان الملفق يريد زرع الفتنه والطائفية واحنا كلنا ندري منو هالشخص الحاقد
يا مصطفى اذا انطعنت من الخلف فأعلم انك بالامام
ما عليك من الحاقدين وتابع مسيرتك في تحسين وتعديل الوضع الاعلامي
كبييير يا بومصطفى
ا
تدري ليش اهم انحاشو يدلون الطريق مو مثلنا داشرين حدنا الخالدية واليرموك
لا وانت الصاج تدل ايران يالحبيب اكثر منا
مو مشكلتنا اذا ماتعرفون وين الله قاطكم وحدك البحز وعباره لايران
والاخ بدر يقول اشوفكم انحشتوا اقص ايدي اذا مو اول واحد حط ريله انت
وشنو رجالات الكويت وهالخرابيط ناس ماتوا عشان هالوطن ومقاومه وحاله اخر شي اهو حط ريله وانحاش ماقعد
وصح يعدل الوضع الاعلامي بلبس الغتره اول شي لووول
ومن متى هالسوالف عندنا غتره وشماغ شنو وين وصلنا بمستوى التفكير والله حاله
خل يشوفون اللو ويست والسبايكي الشباب ماقاموا يلبسون دشاديش وقفت على الشماغ
لاحول ولاقوة الا بالله مشكل
مع احترامي لك اخ سالم ( ولكن ) انت ابعد ما يكون عن ذكر الحقيقة
لاتقول شيء ليس متأكد منه الله يسلمك
الاستاذ يوسف مصطفى كويتي بالتأسيس ونزل الانتخابات ان كنت لا تعرف
تحياتي
هههههه استغفر الله هذا عاد حد صلاحيته
شنو ما بيده شي اقوى من جذيه
بس ليش الشماغ بنظره يرمز لأي دوله وليش هالدوله مخرعته 🙂
طيب والكرفته والسنعوسي بالله شنو هويته؟ وشلون صار وزير للاعلام؟
يووووه يا مصطفى ضربه غير موفقه موليه:)
عاد كنت احبك عبالي مثقف وفاهم ويييييي 🙂
هذا دليل قاطع على العقليه المحدوده التي تدير البلد … يجب وضع الرجل المناسب في المكان المناسب … لا تستغرب من رجوع الكويت في شتا المجلات اذا كانت هذه العقليه من القرارات التي تدير البلد …. تضحيات اجدادنا بيناء الكويت سوف تتلاشى اذا استمرت هذه العقول في اداره البلد
ايه شكله تسرع في القرار عجيب