السلام عليكم ,
اخواني بعد رؤيتي لـ مدونة الاخ هورنت وخصوصاً موضوع طريقة توصيل الإنترنت عن طريق الكهرباء في كامل البيت
ولحسن حظي اني كنت بنفس اليوم مركب انترنت 8 ميقا على خط عادي وليس فايبر ( ألياف )
أولاً فاجئني انه خط بيتي العادي يتحمل 8 ميقا لإني كنت متوقع حده بالكثير 2 ميقا ..
المهم نرجع لموضوعنا 🙂
الصراحه كانت الفكره اللي طرحها اخوي هورنت كانت الطريقة المثلى لتوصيل الأنترنت في بيتي . لإنه كان بيت كبير وفرق الأدوار كبير حيث من الدور الأرضي إلي الدور الثالث وكانت أشارة الوايرلس تعطيني بنسبة 1% وكانت تختفي في بعض المرات ..!
فـ أشكر اخووي هورنت على فتح عيني على هذا المنتج القديم بس ماكنا نعرفه 🙂
المهم بعد ماعرفته عاد ماقعدت راحه اخذت اسوي بحث بالأنترنت طبعاً بالكويت عن طريق قوقل ومالقيت شي .. وبعدها دخلت إلي موضوع اخوي هورنت حتى اقتبس من جم كلمه عن اسم المنتج وابحث عنه المهم بعد مادخلت لفت انتباهي بكلام هورنت انه بحث قبلي ومالقى عنه اي شي بالوطن العربي وصاج والله مالقيت عنه اي شي .. حتى كلمته بالموضوع وقلت وين احصله قالي لازم تطلبه وانا مو مال هالسوالف قلت انزل بنفسي حولي وادور واتعبث
والله ياجماعه افتريت لما طاح حيلي مالقيته والكل مايعرف شنو فكرته ويقولي لا والله اول مره اسمع عنه لي طحت على محل يقولي انا سمعت فيه بس ماعندي وما اقدر افيدك إلى اقولك اسم الفكره قلت له ألحقني فيها المهم عطاني اسم فكرة الجهاز وانا حاطه بعنوان موضوعي أهوا اسمه Powerline
المهم وقمت ادش المحلات واقولهم عندكم Powerline إلي يقولي شنو هذا واشرحه لي .. لي ماطحت على محل عنده Powerline وعنده نوعية TRENDNET قلت اشوفه والله وطلع نفسه واخذته وتوكلت على الله وهذي صورة الجهاز
واخذته 16 دينار ..
وشغال زي الفل وياشباب الموضوع الغرض منه
انه اللي نفس حالتي يكون بعيد عن الراوتر والأشاره ضعيفه يركب هذا الجهاز
واللي يبي فكره عن الجهاز يدخل هالموضوع لـ اخي هورنت