إسقاط القروض الكويتية
يقوم مجموعة من الشباب الكويتي بعمل حملة لإسقاط القروض على المواطنين الذين أكلت القروض رواتبهم ( وانا منهم ) كل مافي الأمر انني و غيري نعرف انه يوجد تواطئ كبير بين البنوك المحلية و البنك المركزي الذي لم يقوم بدوره الرقابي تجاه هذي البنوك ، من الضحية ؟ و لماذا ظهر صندوق المتعثرين ؟ بدون شك الضحية هو المواطن والمستفيد من صندوق المتعثرين هو البنك لأنه لن يُحاسب !! بسبب أن اول بند من بنود هذا الصندوق انه لا يحق للعميل مقاضاة البنك على ما فعله بك !! بالنسبة لي انا ادعم هذي الحملة على الرغم من عدم معرفتي بالقائمين عليها
في حساب تويتر الخاص بهذي الحملة قام العاملين عليها بشرح الكثير الكثير حول سبب مطالبتهم بإسقاط القروض ، هذا شرح ( إقرأها من اسفل الى أعلى ) عن كواليس ما فعلته البنوك المحلية دون علم البنك المركزي :
انا من ناحيتي قمت بنشر هذي الحملة هنا وفي تويتر ، بالنسبة لك هل تملك موقع او حساب تويتر او فيسبوك او اي وسيلة اخرى ؟ اذا شارك بهذي الحملة من جهتك و دع من يملك القرار يعلم اننا لسنا راضيين عن الوضع .
حساب تويتر الخاص بالحملة @loans_kw
موفقين خير
تحديث: تم تحديد يوم الثلاثاء الموافق 6/3/2012 للتجمع في ساحة الإرادة من اجل المطالبة بإسقاط القروض
هل صحيح اسقاط القروض انا واحد سجلة في الصندوق المعسرين وعصروني صح زادوم القسط والاتفاق علي يخلص ٢٠١٩ ولاكن رحت البنك قال يخلص ٢٠٢٢ والمصيبه ما استطيع اسوي معامله سكورها علي من كل النواحي
بسم الله الرحمن الرحيم وبه نستعين …… اخوانى المطالبه باسقاط القروض اصبحت ملحه على كل كويتى شريف وان كان بعض الحاقدين على البشريه كالحاقدين على الفقراء بالصدقه ياخوانى ديرتنا فيها خير ودفعت ملاين الملاين لبناء مستشفيات بجنوب لبنان واهى بالاساس لحزب الشيطان ؟ ودفعت الكثير لاعمار لبنان ونصف الشعب الكويتى يسكن ببيوت متهالكه وبيوت دخل محدود متهالك اين التساوى اين الحق ومال الكويت يدفع الى بورما واهم الان يقتلون المسلمون ويدفع لليمن ودول الضد التى لا تحبنا الا على مصالحهم من النفط ولماذا لا يرفه الشعب ويسقط عنه ديونه وهذه اجر وصدقه وزكاة لشعب الكويت هذى بلدهم وين يروحون مو ابرك ما تروح بالخارج دوله عندها مليارات المليارات وتحسد شعبهاا لكى تساعده لماذا بعض البشريه الحاقده غير موافقه على اسقاط القروض كانهم من حلال ابوه …… لابد من اسقاط القروض او سيثار الشعب قريبااا وهذه تحذير وليس انذار وانشالله تسقط القروض
هل تحتاج إلى قروض بفائدة منخفضة؟ حرموا كنت القروض من قبل البنك
لأن لديك أي ضمانات أو لديهم سوء الائتمان؟ هل أنت متعب من البنك
الضغط النفسي؟ فأنت في المكان المناسب، اتصل بنا الآن
[email protected]
اوافق علي اسقاط القروض
شصار على الموضوع☺
ما عندي خبر !
تدرون ليش الدائنون لدى البنوك بالاخص يريدون اسقاط القروض وذلك بعد عمل بحث واستطلاع لهم تبين : ان المدين عندما أخذ لحاجة ما فرض عليه البنك اعطاءه القرض وحدد له المدة ولكن الحقيقة ان المدة مفتوحة في تسديد الفائدة دون انقطاع حتى لو توفى المدين للبنك يتم اخذ الفائدة المفتوحة والمرتبطة بالبنك المركزي يعني اصل الدين لايمكن ومن المستحيل ان يخصم منه الفائدة ولو فوق 100 سنه من عمر المدين والفائدة مستمرة وهذه حسبه المدين انه لو خصم من اصل الدين والفائدة سواء لكان انتهاء القرض ولكن الحقيقة (((عملية أستقطاع من الراتب الشهري مستمرة على المقترض سواء على قيد الحياة او بعد مماته والدليل استرجاع تأمين على الحياة للمقترض الذي دفعه عند ابرام العقد بين البنك والعميل بأمر من البنك المركزي حتى يكون الاستقطاع الفوائد الغيرة مستقرة مستمر الي ماله نهاية دون الوصول الي اصل الدين))) واسقاط القروض حق مكتسب للمقترضين بسبب المبالغ التي دفعها المقترض كل السنين تفوق أصل الدين بدبل الدبلات .
ثلثين الشعب الكويت مظلوم من البنوك
والحكومة ماسوت شي بس المرور سوا
لهم مخالفات ممنوع الوقوف وممنوع الكلام
للمقترضين يعني خالف المقترضين
بعدين انا من متابعين رئيس حملة اسقاط القروض
حمد الحربي
وتوني ادري عن حسابكم
مين قال لكم تاخدوا القروض؟
عيش على قدك يا أخي.
أنا أشوف الموظف الكويتي معانا, كل مانزل آي فون جديد يجيبه وكل مانزل آيباد , وكل مانزل بلاك بيري و مو تارك باقة إلا و مشترك فيها ويقول الراتب مو مكفيه … ؟؟ طبيعي مايكفيك مو بس الراتب حتى لو تاخد ضعف أو ضعفين الراتب
اللي ما اخذ قرض ماراح يعرف المشكلة الحقيقية اللي يعاني منها المقترض
ياناس المقترض موقع على اوراق وعارف شنو بيدفع آخر الشهر لكن ماكان عارف الغدر والخيانة اللي حصلت من البنوك على العملاء !! وفي يوم وليلة يتفاجئ القسط زايد وكل شي زايدينه عليه وهذي لعبة ملعوبة من البنوك والبنك المركزي طاق الصدر لهم وكأنه يقول لهم اكلوهم بقشورهم يا ابطال محد قال لهم ياخذون قروض .. الله اكبر علىهم
وفوق هذا كله نجد ان عملاء احد البنوك اللي وزير المالية احد اعضاء مجلس الادارة فيه
نجدهم اكثر العملاء شقاء وزهداء من بين جميع البنوك في الكويت
هالبنك واصل وظالم جداً في الوقت اللي تحرك مجلس الامة وتكلم عن هالبلاوي من البنوك
جميع البنوك عدلت بعض الامور وشالت شوي من الزرط اللي حطوه فوق ظهور المقترضين
الا هالبنك الى هاليوم وزيادة القسط مانزلها وجحد المقترض في التأمين اللي دفعه لهم من غير وجه حق بحدود 2000 دينار تدرون شنو يقول وبكل وساعة وجه شلناها من الفوائد بس ماتحس فيها هههههههه الله ياخذهم متفننين في غبنة العميل والرابح اللي يسأل عن طريق التليفون ولا بيموت قهر من الابتسامة الصفراء على وجه الموظف !
هالبنك خمته وقال بحول اسلامي وصار اسلامي وقف كل شغل العملاء وبطاقاتهم
عشان يجبرهم على توقيع اوراق انه موافق على التحويل الاسلامي طبعاً العميل مايبي يوقع اي شي حتى لو انه اسلامي وهو يبيه بس خايف يسوون حركة في العقود المعقدة
وقلبه على قرضه وحاس انهم بيطمسون جريمتهم في حقه لكن شنو يسوي الواحد مجبور يبي شغله وبطاقاته تمشي يوقع ويفتك ويوكل الله .. المهم ينصدم ان القرض صفر عداده
وبدأ من جديد يعني كان مكتوب عدد الاقساط اللي اندفعت والحين يشوف عدد واحد قسط مدفوع ههههههه يبيلهم واحد يفجرهم وينهي هالازمة يمكن يتعدل الوضع ويبطلون زرط المواطن وكلن ياخذ حقه
ياناس هالمقترضين مايطالبون من رخاء يطالبون من ظلم جار عليهم من هالبنوك وبرعاية الحكومة وحسبنا الله ونعم الوكيل فيهم
يرضيكم هالشي يحصل لمواطن ؟!
يرضيكم المواطن الى اليوم مايبين عنده وشكثر دفع وشكثر باقي اقسم بالله مايبين غير سنة انتهاء القرض
وعدد الاقساط المدفوعة طبعاً بعد ماصفروها من جد وجديد !
شنو الحل ارفع قضية عشان اعرف شنو اللي لي واللي علي ؟! ليش مو المفروض انها من ابسط حقوقي ؟!
طلبنا رسمي ودفعنا رسوم خمس دنانير عشان نعرف هالشي وراحت الخمسه وماعطونا شي
ليش كان كل شي يبين بالتفصيل قبل عشر سنين وصار لنا سنين الى الحين و كل التفاصيل مخفية
تحتاج معجزه عشان تعرف الحقيقة !
انا عن نفسي ماراح استفيد فلس واحد اذا طيحوا الفوائد وقليل اللي راح يستفيد
لأن الاغلبية طول هالسنين كان يسددون الفوائد فقط بنسبة 99% وواحد بالمية اصل الدين
انتخاب رئيس اليمن مو قرض
والله ودي الناس تطالب باصعب من اسقاط القروض واللي هو محاسبة البنوك بشده على جريمتها ويرجعون اللي شفطوه البنوك من غير وجه حق بس محد يقدر على البنوك
واذا اسقطوا القروض او حتى الفوائد البنك مستفيد اكثر واكثر من المقترض
بالذمة عاد هذا حل !
الله يزينها بس ..
السلام عليكم
ياشباب لو تشوفون الفوائد اصلها.. ( الربا ) ودام دخلنا في الحرام اكيد المقترض راح يتضرر وهناك كثير من المواقع الاجنبيه الي تتكلم عن طريقة تعامل البنوك مع القروض يعني اذا انت اقترضت راح تدخل الدوامه .. اقربلكم المثال ( نفس الهمستر لما يركض في العجلة الدوارة ) ماراح تخلص من القرض ليما تخلص قيمة فوائدهم او اهم يشبعوا منك ويحسوا ان ريحتهم فاحت … وشكرا