إسقاط القروض الكويتية

يجب اسقاط الديون على المواطنين

انا من الذين ظلموا من البنوك من سنة 2000 وأنا ادفع لهم 400 دينار شهري مع العلم قرضي 36 ألف وسنة 2005 زادو الفوائد صار 48 ألف ينتهي في 2019 طلعت تقاعد وحولت بنكي ورفعوا قضية اقل من اسبوعين تم الحكم علي بدفع المبلغ كامل بدون فوائد اصل الدين 36 ألف رفعوا علي منع سفر ورفعت عليهم تظلم وشلت منع السفر ولله الحمد والحين ادفع لهم عن طريق المحكمة يدوي ما فيه عن طريق النت وهذي صراحه متعبة جداً دور كل شهر رفعوا حجز سيارات وانا حولت سياراتي على اخي ادفع لهم 150 كل شهر

متقاعد راتب 950 دينار
التسليف 100دينار
والبنك حاليا 150 دينار
والخدامة 50 دينار
الصافي 700 دينار
هذا مصروفي ومصروف عيالي 6 وزوجة غير موظفه والاولاد لازالوا في المدارس وتعرفون طلبات المدارس بس الحمد لله اللي ردني على عيالي لم يتم سجني بسبب البنك قعدت شهر كامل ما اطلع من البيت بسبب إلقاء القبض لين كلمت قاضي التنفيذ وقال كم تقدر تدفع قلت 100 دينار قال لا 150 دينار

بس بقيت اشارككم معاناتي

وين العداله الاجتماعيه

واحد ماخذ غرض وعليه فوائد ١٥ الف وتم اسقاطها

وفي واحد ضاغط على روحه وما اخذ قرض

ما يصير جذي

الحل كل مواطن كويتي فوق ال٢١ يعطونه ١٠ آلاف دينار او ٥ آلاف دينار
والي عنده قرض يتم خصم المبلغ من ال١٠ آلاف والباقي له

محد قالكم اخذو قروض لكن ادقلك 3 سيارات وبيت كبير وارض غاليه استثماريه و600 ايفون وملابس كشخه وكل 15 يوم سفره اكيد راح تبتلش بالقروض

انا مع اسقاط الفوائد لكن القروض لا محد طق اي مواطن وقاله اخذ قرض عشان تشتري فيه اكسسوارات

لحد يحقد حريه الرأي مكفوله هع