ماوس و كيبورد واحد لجميع أجهزة الماك لديك

برنامج ممتاز يسمح لك بالتحكم في جميع أجهزة الماك التي تملكها من خلال ماوس و كيبورد واحد ، اسم البرنامج Teleport وهو برنامج مجاني ورائع فعلا

إن كنت مثلي تملك أكثر من جهاز ماك ، بدون شك فإنك ستحتاج إلى كيبورد و ماوس لكل كمبيوتر ، نعم تستطيع التحكم بأجهزتك من خلال مشاركة الشاشة في ما بينهم ، ولكن موضوعنا هذا غير ، فأنت تستطيع أن تستخدم الماوس والكيبورد في الإنتقال من جهاز ماك إلى آخر بكل سهولة ، ولايهم ماهي أنواع الماك التي تملكها ( لابتوب او ديسك توب الخ الخ ) طالما قمت بتثبيت البرنامج في هذي الأجهزة وهي بداخل نطاق الشبكة

قمت بعمل شرح سريع لآلية عمل برنامج  Teleport متابعة مفيدة إن شاء الله

لمشاهدة المزيد عن هذا البرنامج و لتحميله إذهب إلى : موقع البرنامج 

‫17 تعليقات

  1. من وانا صغير وانا اتمنى اسوي هذي الحركه ههه ، جزاك الله خير على الموضوع

  5. يا سلام ، شغله مريحة والله
    وأتوقع أفضل من مشاركة الشاشة
    يعطيك العافية بو ناصر 🙂

  6. تسلم بو ناصر

    بس الخلفية حقت الجهاز عجيبة مالقيت تحك الا فيل ههههههههههه

    على العموم تسلم

  7. يعطيك العافيه اخوي بدر واشكر جزيل الشكر على البرنامج
    اخوي بدر حبيت اسألك وين اقدر اسوي داون لود للبرنامج لاني لما اسوي بحث باللاب ستور تطلعلي العاب بس.. والله يعطيك العافيه

  8. الله يعطيك العافية .. ويكثر من امثالك رجال كفو وتحب الخير وتفيد الناس

    عجيبه طريقة الانتقال

    تصير مع الكيبورد والماوس العادي الي بواير ولا بس الوايرلس ؟

  9. زين انا عندي ايماك وكمبيوتر ثاني بس عليه ويندوز..

    تضبط هالحركه ولا يبليها برنامج ثاني ؟؟
    عساك عالقوه هورنت!

    1. هذا البرنامج ( فقط ) لنظام الماك
      لابد من توفر برامج مشابهة لنفس الغرض للتنقل بين انظمة مختلفة ( ماك + ويندوز )
      تحتاج بحث بسيط في قوقل

      والله يقويك
      تحياتي

      1. يعطيك العافية.. بحثت ولقيت خوش بالرنامج.. وللاخوة اللي بنفس حالتي يقدرون ينزلونه ..

        اسمه Synergy .. يركب على ( ويندوز – ماك – ليونكس ).. والبرنامج مجاني ومفتوح المصدر ويؤدي الغرض على اكمل وجه !

        ويعطيك العافية اخوي هورنت، كثرلنا من هالمواضيع اللي تشرح الصدر !

  10. السلام عليكم ..

    يعطيك العافيه بدر .. حركه مفيده والله وعمليه ..

    سؤال .. لو كان عندي ماك بوك و ماك ميني .. اقدر اتحكم بالماك ميني من الكي بورد والماوس الخاصه بالماك بوك؟

    ..

    شكرا